Header Ads

Saste Smartphone Me Aate Hai Ye 7 Problems Kya Aapko Pata Hai


 Kon nahi chahta ki uske pass koi accha sa mobile phone ho, Lekin paiso ki kami ke karan ham mahange phone nahi kharid pate aur isi wajah se saste phone se hi kaam chala lete hai. Aaj kal market me Rs 2000 android phone milte hai jisme vo sare features hote hai jo mahange phone me hote hai. Mahange phone me aur saste phone me feature to same hote hai to aisi kya kami hoti hai saste phone me, kya iske bare me aapko pata hai? Chalo koi baat nahi aaj ham saste phone me kya kya problems aate hai iske bare me batane wale hai, to is post ko pura padhe.


saste phone me hoti hai ye kharabiya


Saste Phone Me Hone Wale Problems

 Dosto hame kam kimat me koi bhi accha wala phone chaiye hota hai, Lekin usme vo sare feature ho jo mahange phone me hote hai. Aisa sasta phone hame mil bhi jata hai jisme RAM, Processer, Intarnal aur camera accha ho. Lekin aapko bata du ki mobile me keval features hi sab kuch nahi hote aur bhi kahi bate hai jo hame dhyaan me rakhni chaiye. To chaliye shuru karte hai.

1. Touch Pad

 Sabse pahale ham touch pad ki baat karte hai, Jab ham koi sasta sa phone lete hai to uska touch pad shuru se accha performs nahi deta, hame kahi bhi kuch bhi touch karne ke liye screen par jor se dabana padta hai. Jasie mobile purana hota hai to sabse pahale to touch pad ki hi problem aati hai.


2. Display (Glass)

 Display ye mobile ka sabse kamjor hissa hota hai. Aaj kal ke mahange se mahnge mobile acche quality ke display lagaye ja rahe hai. Jo saste mobile hote hai unme keval normal se display lagaye jaate hai. Aagar galti se bhi aapka phone gir jaye to display tutne ke chances bahut jaada rahate hai.

3. Battery Problem

 Sasta smart phone kharidte waqt hame battery life bahut kam milti hai, Agar by chance jada MH wali battery mil bhi gai to uski koi guaranty nahi ki vo jada din tak chale kuch phone ki battery to ek mahine me hi kharab hone lagti hai. Aur is halat me charging bhi thik se nahi ho pate.

4. Audio Jack

 Agar aap earphone lagakar music sunna pasand karte hai to aapko koi accha wala phone hi lena chaiye bhale hi usme koi advance feature na ho. Kyo ki saste phone me audio jack thik se kaam nahi karta, agar karta bhi hai to usme kuch company ke earphones support nahi karte, jaise ki kuch earphone me kam awaj aana, ek hi side se awaj aana, keval background music hi sunai dena ya phir awaj hi nahi aana ye sare problems aate hai.

5. Software

 Saste smart phone apne opreting system yani ki software ke wajah se bahut jaldi slow ho jate hai kahi bar hang bhi hone lagte hai. Aur aise me unhe update karna bahut hi mushkil ho jata hai.

6. Service

Saste smart phone kharab hone par ham phone ko service center bhej dete hai. Lekin phone ki service thik se nahi ho pati aur kahi bar isnke service center hote bhi nahi.

7. Body

 Saste mobile ki body ki baat kare to unki body itni acchi nahi hoti jitney mahange phone me hoti hai. Kahi baar mobile girne ke baad mobile tut bhi jaati hai.

To dosto ye the 7 problems jo har saste phone aate hai. Lekin jaruri nahi hai sabhi saste phone me ye sabhi problems aaye ye ham par bhi depend karta hai ki phone ko kis tarike se use kar rahe hai, agar aap acche dhang se mobile ko use karoge to aapka mobile jada din tak chal bhi sakta hai.

To dosto agar aapko ye post acchi lage to apne friends ke sath jarur share kijiyega.


No comments

Kuch Questions Ho To Comments Kare